“Yamaha” del nga rruga, humb jetën 26 vjeçari

Një i ri ka humbur jetën tragjikisht në një aksident rrugor, mbrëmjen e sotme.

Ngjarja ka ndodhur në fshatin Kallm i Vogël, të Fierit.

26-vjeçari më inicialet A. B., banues në fshatin Kallm i Vogël, duke drejtuar motomjetin tip “Yamaha” ka dalë nga rruga dhe ka rënë në kanal.

I riu u transportua për në spital, por humbi jetën gjatë rrugës.

Grupi hetimor po punon për zbardhjen e rrethanave të kësaj ngjarje.