Vdekja e 40 vjeçarit nga Shijaku dhe akuzat ndaj mjekes, dalin detaje të reja në lidhje me ngjarjen

56

Detaje të reja kanë dalë në pah nga ngjarja e ndodhur në Shijak, ku një qytetar humbi jetën nën kujdesen e një mjekeje nga Durrësi.

Viktima, kishte probleme me mëlçinë dhe ka shkuar në spitalin e Durrësit i intoksikuar.
Mjekja i ka dhënë pacientit një recetë e më pas e ka dërguar në shtëpi.

Pas mjekimit 40-vjeçari ka ndërruar jetë.
Duke marrë parasysh moshën e tij të re, familjarët dyshojnë për mjekim të pakujdesshëm duke e denoncuar mjeken.

Burimet për mediat bëjnë me dije se është ngritur një grup prej tre mjekesh për të ekzaminuar trupin e 40 vjeçarit.

Kampionet e marra nga i ndjeri janë dërguar në laboratorin e Toksikologjisë në Institutin e Higjienës në Tiranë.

Mjekja P.Kristani ka deklaruar se çdo gjë e ka bërë ashtu siç i takon, dhe se është e gatshme të përballet me çfarëdolloj hetimi.