Tiranë, tre kandidatë të LSI dorëzojnë vetëdeklarimet në KQZ, nuk pranojnë bojkotin

27

Pas dorëzimit të mandateve nga deputetët e opozitës së bashkuar, kandidatët që pasojnë në listat shumemërore të kandidatëve të forcave politike respektive kanë nisur dorëzimin e formularit të dekriminalizimit në Komisionin Qëndror të Zgjedhjeve.

Pa dorëzimin e këtij formulari, kandidatët në listën shumemërore të secilës forcë politike nuk mund të marrin dot mandatin e deputetit.

Mësohet se tre kandidatë nga lista e Lëvizjes Socialiste për Integrim i kanë dorëzuar formularët e dekriminalizimit. Ata janë Ylli Shehu, Aurora Mara dhe Enver Roshi.

Ylli Shehu, në listën e Qarkut të Tiranës, ka deklaruar se “është vendim i imi personal, do hyj si deputet i LSI, pastaj se çfarë do bëjë LSI me mua është çështje e tyre.” “Do votoj kundër mazhorancës,” – ka thënë Shehu.

Në këtë mënyrë, duket se bojkoti i Kuvendit nga opozita nuk ka për të qenë i plotë.