Ballina Aktualitet Tiranë, mbyllet protesta e emigrantëve: Do kthehemi sërish

Tiranë, mbyllet protesta e emigrantëve: Do kthehemi sërish

Emigratët kanë përmbyllur protestën para Kryeministrisë, me premtimin se ata do të rikthehen sërish, për të kërkuar nga qeveritë, përgjegjshmëri dhe vëmendje ndaj qytetarëve .

“Ky është vetëm fillimi, nuk është fundi. Këto ndoshta mund të gëzohen, ose mund të mendojnë se ky problem do largohet, por ky problem nuk ikën, do vijë duke u ngritur edhe më shumë. Kemi folur dhe takuar grupe të ndryshme, e kemi rënë dakort në vazhdimin e bashkëpunimit.”

Ashtu si në dy ditët e shkuara, protestës i janë bashkuar qytetarë të shumtë, studentë dhe protestuesit e Teatrit dhe ata të Astirit.

Protesta e emigrantëve ndoshta e para e këtij lloji në 28 vite demokraci, u organizua në rrjetet sociale, ndërsa shumë qytetarë shqiptarë që jetojnë në qytete të ndryshme të botës ju bashkuan këtij tubimi, i cili u pagëzua “nën një flamur”.