Ballina Aktualitet Tiranë, kryeministri Rama: Të ulemi dhe të flasim, s’kam asnjë kusht

Tiranë, kryeministri Rama: Të ulemi dhe të flasim, s’kam asnjë kusht

Kryeministri Edi Rama ka reaguar sërish për protestën e studentëve.

Përmes një postimi në Facebook, Rama thotë se gjithçka duhet bërë tani është të flasë së bashku me studentët. Sipas Ramës 8 kërkesat e studentëve janë vetëm pikënisja e një faze të re transformimi të botës sonë universitare.

“Të dashur studentë protestues, gjithçka na duhet tani është të ulemi dhe të flasim.

8 PIKAT janë për mua vetëm pikënisja e një faze të re transformimi të botës sonë universitare. Dhe këtë transformim mund, duhet e do ta bëjmë VETEM SE BASHKU, përmes një Pakti për Universitetin mes studentëve dhe qeverisë.

Adresimin e 8 PIKAVE duhet të nisim pa humbur kohë. Kemi punë për të bërë dhe nëse doni që uljen e tarifave ta mbyllim para pushimeve tuaja të Vitit të Ri, s’ka realisht minuta për të humbur me llogjet e kazanëve dhe rrugët shkencore të Doktorreshë Monës e të Profesor Lulit.

Unë jam gati dhe s’kam asnjë kusht, prandaj bëhuni mbarë e më çoni fjalë, kur e ku doni të takohemi. Përqafime dhe kurajo, sepse do ju duhet shumë kur ta kuptoni që kjo që keni nisur është ku e ku më e madhe, sesa ato 8 PIKA”, – është shprehur Rama.