Ballina BOTA Francë, “jelekët e verdhë” paralajmërojnë marshim drejt Versajës

Francë, “jelekët e verdhë” paralajmërojnë marshim drejt Versajës

Protestuesit e quajtur “jelekët e verdhë”, të cilët kanë bllokuar rrugët në të gjithë Francën dhe janë përleshur me policinë që nga mesi i nëntorit, do të marshojnë në ish qytetin mbretëror të Versajës, të shtunën, në luftën e tyre kundër reformave të qeverisë.

Pallati dhe kopshtet e Versajës, janë një simbol i pushtetit francez dhe janë një nga atraksionet kryesore turistike të Evropës, por do të mbyllen të shtunën, pasi autoritetet presin pjesëmarrjen e qindra protestuesve.

Jean-Jacques Brot, prefekt i rajonit Yvelines, u tha gazetarëve se demonstrata do të jetë e mbyllur për rrugë qëndrore të qytetit, edhe larg nga zonat e pallatit dhe zonat e shoppin-ut.

Sipas një zyrtari të prefekturës, të cituar nga e përditshmja Ouest Franca, rreth 1,400 persona kanë thënë se do të marrin pjesë në marshim, pas një thirrje për të demonstruar në Versajë nga një prej udhëheqësve të jelekëve të verdhë, të enjten.

“Ne jemi të gatshëm në rast se protesta fokusohet në Versajë, por ajo mund të jetë diku tjetër gjithashtu”, tha të enjten ministri i brendshëm Christophe CASTANER.

Udhëheqësit e jelekëve të verdhë kanë bërë thirrje për demonstrata të reja të shtunën dhe i inkurajuan mbështetësit e tyre për të bllokuar kamionët në kufi, në fundjavën e gjashtë të protestave në mbarë vendin, të cilat kanë çuar në trazira dhe plaçkitje në Paris dhe qytete të tjera të mëdha franceze.