Zjarri në Pukë: I moshuari tregon si u dogjën djali dhe nusja

Një ngjarje e rëndë ka ndodhur mëngjesin e sotëm më fshatin Breg të Pukës, ku një banesë është përfshirë nga flakët. Për pasojë ka humbur jetën çifti Petrit e Dava Ndoj, 40 dhe 35 vjeç.

Në momentin e rënies së zjarrit ata po flinin në katin e dytë, duke mos mundur dot të dilnin gjallë nga shtëpia.

Pas ngjarjes së rëndë, i zoti i shtëpisë, Pal Gjoni ka treguar tmerrin që ka parë me sytë e tij.

“Kam dëgjuar tjegullat që kërcisnin kur me doli gjumi. Jam zgjuar shpejt, kisha hallin e fëmijëve. I kam thirrur djalit qe të nxirrte gruan që e kam të paralizuar. Ai nuk mu përgjigj kurrë më. U gëzova kur pashë që fëmijët ishin në oborr.  Ajo që më ndodhi mua, mos i ndodhtë askujt”, tha i moshuari.

 

Tragjike në Pukë, digjet shtëpia, humbin jetën burrë e grua

Një shtëpi është djegur duke i marrë jetën çiftit të bashkëshortëve Petrit dhe Dava Ndoj 40 dhe 35 vjeç. Ngjarja ka ndodhur në lagjen ‘Va Shënkoll’ të fshatit Breg. Banesa u përfshi nga flakët rreth orës 02:00 të mëngjesit të kësaj të hëne.

Bashkëshortët 40 dhe 35 vjeç po flinin në katin e dytë të banesës kur ka rënë zjarri. Dëmtime të lehta kanë pësuar dhe katër fëmijët e tyre, të cilët janë hedhur nga dritarja e katit të dytë. Fëmijët, më i madhi 12 vjeç , kanë arritur të shpëtojnë mrekullisht nga flakët gjyshen e moshuar, e cila ishte e paralizuar dhe nuk kishte mundësi të ecte.

Katër fëmijët morën mjekim të shpejtë dhe më pas janë strehuar tek të afërmit e nënës.

Alarmin për zjarrin e ka dhënë i zoti shtëpisë  Pal Gjoni, i cili kishte dëgjuar zhurmën e tjegullave. 82-vjeçari me bashkëshorten e paralizuar po flinin  po ashtu në katin e dytë të banesës, ndërsa fatmirësisht kanë arritur të dalin pa dëmtime. Trupat e pajetë të Petrit dhe Dava Ndoit u gjetën pranë njëri-tjetrit teksa kishin tentuar të dilnin nga dhoma. Forcat zjarrfikëse të Pukës dhe Fushë Arrëzit kërkuan rreth dy orë për gjetjen e trupave nën mbetjet e zjarrit.

Policia dhe grupi hetimor ndodhen në vendngjarje dhe po punojnë intensivisht për zbardhjen e rrethanave.

Pukë, shkojnë për një predhë por zbulojnë arsenal municionesh

Pas lajmit të publikuar në media Ministria e Mbrojtjes dërgoi urgjent një ekip EOD (explosive ordnance disposal) të Forcave të Armatosura në bashkinë e Pukës, ku një ditë më parë punonjësit e gjelbërimit gjetën një predhë 120 mm.

Gjatë kërkimeve dhe krehjes së zonës, xhenierët e Forcave të Armatosura zbuluan 40 granata dore difensive, 6 granata dore ofensive si dhe një granatë dore me bisht.
Nga verifikimet paraprake, dyshohet që këto municione të kenë dalë nga depot e FA dhe të jenë hedhur në zonë gjatë trazirave të vitit 1997, duke u shndërruar në një rrezik serioz për jetën e banorëve.

foto galeri

foto galeri

 

 

Pukë, kryeministri Rama: Sa herë ka zgjedhje opozita del nga binarët, film i njohur

Nga Puka ku po zhvillon ciklin e takimeve ‘Bashkia që duam’, kryeministri Edi Rama komentoi edhe situatën politike në vend si edhe protestën e 16 shkurtit të organizuar nga opozita. Rama tha se sa herë që vendi është në prag zgjedhjesh opozita nis avazin për t’i shmangur ato pasi e dinë që nuk mund të fitojnë dot.

“Në një rrugë që është e njohur për të gjithë është një film i parë sa herë afrohen zgjedhjen nisin avazin se nuk fitojnë dot . Ndërtuan një cadër bllokuan rrugën dhe bënë çmos të shmangin zgjedhjet. Sot e njëjta situatë ndërsa reforma në drejtësi po ecën dhe po hyn në fazën e ngritjes së institucioneve, ata i vihen barrikadë vendit e drejtësisë e përdorin argumenta vetëdiskrititues. Kujt shqiptari që di sadopak për procesin zgjedhor mund t’i besohet se këta që flasin për blerje votash janë zgjidhja e jo problemi. Këta që flasin për korrupsion e varfëri janë zgjidhja e jo problemi. Kjo është arsye sa herë ka zgjedhje e nuk fitojnë dot, dalin nga binarët si mënyra për t’i ikur ballafaqimit me qytetarët e zgjedhësit.

Flasin për zgjedhjet e shkuara po kush e ka harruar se në zgjedhjet e shkuara ata ishin në qeveri kishin ministrin e brendshëm kishin institucionet. Si u blenë votat nga ne? Ua dhamë mundësinë ua dhamë të gjitha por me një kusht të njohin rezultatin.

Ngatërrojnë popullin në demokraci me punonjësit e bashkive apo ndjekësit fanatikë që i mbledhin për demonstrime force. Shumë keq për ta aspak mirë për vendin. Po nuk kemi rrugë tjetër. Detyra jonë është të zbatojmë kontratën me popullin dhe të imponojmë atë që ka imponuar populli në zgjedhje. Kjo është e gjitha të tjerat janë të thjeshta për t’u kuptuar. Për sa kohë do mendoni se shqiptarët do i bëni për budallenj, do ju lënë ku keni vendin, por edhe më pak. Në ballafaqimin e ardhshëm zgjedhor, populli do i lë aty ku janë po do jenë më pak seë janë sot,”- deklaroi Rama.

Pukë, vrau shokun nga pakujdesia, burg për 25-vjeçarin

Gjykata ka lënë në burg 25-vjeçarin Enderis Dodaj, i cili vrau nga pakujdesia kolegun e punës në Pukë, 30-vjecar Petrit Biba.

Ngjarja e rëndë ndodhi mbrëmjen e 8 shkurtit, ku i riu vrau kolegun e tij pranë hidrocentralit. Sipas grupit hetimor, vrasja ka ndodhur nga pakujdesia.

“Dyshohet se aksidentalisht ai ka qëlluar me armë zjarri, tip pistoletë shtetasin P.B. ne prani të disa punonjësve të tjere, qe po pushonin ne te njejtin ambjent”, informoi policia e Shkodrës.

Dy të rinjtë, viktima dhe autori të dy nga Mirdita ishin punonjës në HEC-in e Vrrithit, ndërsa armën që mbanin e kishin pa leje.

Pas krimit, 25-vjeçari u largua nga vendngjarja. Biba, pas plagëve të marra, u dërgua me urgjencë në spitalin e Shkodrës, por nuk mundi t’u mbijetonte plagëve.

Pukë, qëllohet me armë zjarri 21-vjeçari

Një 21-vjeçar ka mbetur i plagosur rëndë në fshatin Kaftall të Pukës. Nga të dhënat e para thuhet se i plagosur ka mbetur shtetasi Petrit Biba, 21 vjeç, i cili tashmë ndodhet në gjendje kritike për jetën.

Policia dhe grupi hetimor ka shkuar menjëherë në vendin e ngjarjes, por ende nuk ka detaje mbi rrethanat e plagosjes së të riut.

Pukë, vijon hapja e rrugëve nga dëbora

Në qytetin e Pukës vijon puna për hapjen e rrugëve nga dëbora, që ka zbardhur qytetin verior prej disa ditësh.

Kryetari i bashkisë së Pukës, Gjon Gjonaj po qëndron vet në terren duke monitoron situaten, teksa tre mjete borëpastruese punojnë për të lehtësuar qytetarët në izolim.
Gjonaj i bën apel qytetarëve në fshatrat, ku ende nuk kanë mbërritur mjetet e bashkisë të bëjnë dhe pak durim, pasi mjetet e kufizuara me të cilat po punojnë nuk e bëjnë të mundur hapjen njëherësh të të gjithë fshatrave.

Bashkia Pukë po monitoron në vijimësi situatën me qëllim ndërhyrjen në kohë të çdo rasti që paraqet probleme.

Pukë, pezullohet mësimi nga moti i keq

Reshjet e dëborës kanë paralizuar qarkullimin në gjithë fshatrat e Pukës. Për pasojë, procesi mësimor ditën e sotme është pezulluar.

Edhe qarku i Dibrës është i bllokuar në rrugët e fshatrave dhe trashësia e dëborës arrin deri në 1 metër.

Nga moti i keq, edhe në qarkun e Korçës raportohen problematika në qarkullim. Trashësia e dëborës në zonat malore shkon në 90 cm, ndërsa në qytet në 30 centimetra.

Shkodër, banorët në panik nga tërmeti

Një tërmet ka prekur qytetin e Shkodrës vetëm para pak minutash. Por një natë më parë një tjetër tërmet ka rënë në Malësinë e Madhe.

Mësohet se banorët janë ndjerë në panik por fillimisht nuk raportohet për dëme dhe ende nuk dihet se sa ishte shkalla e këtij tërmeti.

Tërmeti është ndjerë gjithashtu edhe në Pukë e Lezhë.