Ballina BOTA Suedi, merr flakë autobusi urban pas aksidentit, fatmirësisht ishte bosh

Suedi, merr flakë autobusi urban pas aksidentit, fatmirësisht ishte bosh

Re të zeza tymi kanë mbuluar sot pjesë qendrore të Stokholmit, në Suedi, pasi një autobus urban u përfshi nga flakët pas përplasjes me murin hyrës të një tuneli.

Ngjarja ndodhi sot, në hyrje të tunelit në qendër të Stokholmit. Autobusi urban u përplas me murin dhe shpërthimi i bombolës së gazit bëri që ai të përfshihej në mënyrë të menjëhershme nga flakët.

Për fat të mirë, asnjë pasagjer nuk ishte në autobus në kohën e shpërthimit. Mediat lokale raportoi se shoferi i mjetit është plagosur dhe ndodhet në spital.

Autobusët urbanë në Stokholm përdorin gjërësisht gazin natyror si lëndë djegëse.