Shkodër/Dasëm në lokal, menaxherja 25 vjeçare i mbyll derën policisë

51

Menaxherja e një lokali në Shkodër është proceduar penalisht për kundërshtim të forcave policore.

Nga shërbimet e Komisariatit të Policisë Shkodër, në zbatim të Aktit Normativ nr. 3, pas njoftimit të marrë në Polici se në një lokal po organizohet dasmë, menjëherë është bërë verifikimi duke shkuar në adresën e dhënë.

Në momentin që kanë mbërritur forcat policore 25-vjeçarja E. N., banuese në Shkodër, si menaxhere e këtij subjekti, ka mbyllur portën hyrëse duke penguar forcat e policisë të futen në ambientet e brendshme për kontroll, në kuadër të masave anticovid.

Nga ana e policisë janë kryer veprimet hetimore ku është proceduar ne gjendje të lirë menaxherja E. N., për veprat penale “Kundërshtimi i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik” si dhe në zbatim të Aktit Normativ nr. 3, është marrë masa administrative ndaj këtij subjekti me 1 milion lekë.