Ballina Aktualitet Shkarkohet Kryetari i Gjykatës së Tropojës

Shkarkohet Kryetari i Gjykatës së Tropojës

Komisioni i Pavarur i Kualifikimit ka shkarkuar nga detyra Dritan Secin, Kryetar i Gjykatës së Tropojës.

Në seancën dëgjimore, sipas ILDKPKI gjyqtari Seci kishte kryer deklarim jo të saktë, nuk kishte burime të ligjshme dhe se kishte fshehje të pasurisë.

Nga hetimet rezultoi se kishte proleme për blerjen e një apartamenti në vitin 2012 në Bajram Curri dhe mungesë burimesh të ligjshme. Për blerjen e një lokali shërbimesh, sërish në qytetin e Bajram Currit si dhe të një apartamenti në Yzberisht të Tiranës.

Nga hetimi administrativ janë ngritur dyshime mbi aktivitetin e bashkëshortes së Secit si farmaciste dhe të ardhurat e përfituara nga ky biznes vit pas viti, të cilat janë deklaruar disa herë më ulët sesa raportimi i bërë në zyrën e Tatimeve të Kukësit.