Ballina Aktualitet Shefja e reanimacionit tregon dinamikën si humbi jetën nëna dhe foshnja

Shefja e reanimacionit tregon dinamikën si humbi jetën nëna dhe foshnja

Shefja e reanimacionit në Sanatorium shpjegoi gjithë dinamikën e ngjarjes ku një grua ndërroi jetë bashkë me foshnjën e saj.

Alma Cani tha se gruaja u paraqit në spital në gjendje gripi, duke pasur probleme me frymëmarrjen. Doktoresha thotë se gruaja ishte 31 javëshe shtatzënë me binjakë, ku njëri humbi jetën.

Alma Cani: Rasti konkret në fakt ishte një grua shtatzënë, 31 javëshe e ardhur në datën 9 shkurt në spitalin tonë, u paraqit pas një gjendje të gripit. U fut direkt në terapi intensive, kishte probleme në frymëmarrjen.

Duke qenë se situata ishte e vështirë, u detyruam që të bënim lindjen e parakohshme. Ishte me binjakë dhe u realizuar në spitalin tonë lindja bashkë me kolegët e maternitetit Koço Gliozheni. Njëri nga fëmijët ndërroi jetë ndërsa tjetri jeton.

Gruaja vazhdoi me asistencën në reanimacion.  Në ditët e fillimit patëm një lloj kënaqësie sepse do ta kalonte, sepse suporti ishte e lartë. Me gjithë përpjekjet që u bëmë, nuk mundëm dot ta kalojmë. Në 25 shkurt pacientja ndërroi jetë.