Ballina BOTA SHBA, “Apple” 10 miliardë dollarë investime për qendrat e reja

SHBA, “Apple” 10 miliardë dollarë investime për qendrat e reja

Gjiganti amerikan i informatikës, Apple njoftoi ditën e sotme investime në shumë zona të SHBA-së, mes të cilave edhe krijimin e një kampusi të ri prej një miliard dollarësh në qytetin Austin të Teksasit, dhe 10 miliardë të tjera për qendrat e reja të të dhënave.

“Kjo godinë e re fillimisht pritet të ketë 5 000 punonjës, me mundësinë që ta rrisë këtë shifër në 15 000,” – sipas një komunikate të kompanisë kaliforniane.

Madje, Apple është shprehur se është në rrugën e duhur për të krijuar deri në vitin 2023 rreth 20 000 vende pune në SHBA, ku aktualisht numëron 90 000 të punësuar, shkruan atsh.

Kompania e “Cupertino” në “Silicon Valley” pritet të investojë gjithashtu në zona të reja në bregun perëndimor amerikan si Siatëll, San Diego dhe në periferi të Los Angelesit.

Qendrat e të dhënave të Apple në SHBA do të marrin për më tepër investime prej 10 miliardë dollarësh në pesë vitet e ardhshme.