Ballina BOTA Shakira në telashe me drejtësinë spanjolle, për çfarë akuzohet

Shakira në telashe me drejtësinë spanjolle, për çfarë akuzohet

Këngëtarja kolumbiane, Shakira është në telashe me drejtësinë spanjolle. Mësohet se prokurorët spanjollë kanë ngritur një akuzë ndaj saj, sepse ka dështuar të paguajë 14, 5 milionë euro tatime në vendin ku luan futboll partneri i saj.

Akuzat u ngritën në rajonin e Katalonisë, ku këngëtarja është prezente shumë shpesh për të ndjekur ndeshjet e futbollit të ekipit të Barcelonës, pjesë e të cilit është partneri saj,Gerard Pique.

Prokurorët, thanë se Shakira nuk pagoi tatimet gjatë kohës sa ka jetuar në Spanjë, gjatë viteve 2012- 2014, raporton agjencia Reuters.
Përfaqësuesit e këngëtares së njohur botërore, Shakira, thanë se ajo nuk jetonte në Spanjë deri në vitin 2015, dhe se ajo ka përmbushur të gjitha obligimet tatimore ndaj Spanjës.