Ballina Aktualitet Sezoni veror/ Policia kërkesë bashkive: Vendosni roje bregdetare e kulla vrojtimi

Sezoni veror/ Policia kërkesë bashkive: Vendosni roje bregdetare e kulla vrojtimi

Në një kohë kur në dy ditën e fundit janë regjistruar 3 të mbytur në plazhin e Durrësit e të Shëngjinit, drejtoritë vendore të policisë u kanë kërkuar bashkive që të marrin masat e menjëhershme për të parandaluar ndonjë ngjarje tjetër të tillë të mundshëm.

Me anë të një kërkese zyrtare, është kërkuar që në plazhe të ketë roje bregdetarë, dhe kulla vrojtimi.

Ndonëse kjo ka qenë një nga masat e pëfmendura që në nisje të sezonit turistik, mësohet se në disa bregdete nuk është praktikuar.

Një tjetër masë e kërkuar është edhe ajo e vendbazimeve të motorrave të ujit, duke bërë që perimetri i vijëzuar të jetë sipas të gjitha standardeve të parashikuara në ligj.

Edhe më herët, që në nisje të sezonit turistik në të gjitha qytetet bregdetare janë mbajtur takime me përfaqësues të disa institucioneve ku është kërkuar marrja e masave, për të siguruar jetën e pushuesve e turistëve të huaj.