Ballina BOTA Rusia përjashtohet për 4 vjet nga Olimpiada dhe Botërori për shkak të...

Rusia përjashtohet për 4 vjet nga Olimpiada dhe Botërori për shkak të skandalit të dopingut

Si pasojë e vendimit të marrë, Rusia nuk do të marrë pjesë në Olimpiadën e Tokios, Lojërat Dimërore të Pekinit 2022.dhe Botërorin e Katarit.

Megjithatë, ata sportistë rus që vërtetojnë se nuk janë prekur nga skandali i dopingut,  do lejohen të jenë pjesë e kompeticionit të Tokios, duke garuar me një flamur neutral.

Megjithatë, vendimi i Agjencisë Botërore Anti-Doping  duket se prek më shumë përfaqësuesen e futbollit, e cila në Botërorin e Rusisë arriti deri në fazën e Çerekfinales.

Vendimi për përjashtimin e Rusisë nga dy aktivitetet botërore u mor në Lozanë të Zvicrës dhe erdhi pasi agjencia shpalli Rusinë fajtore për manipulimin e të dhënave laboratorike në janar 2019.

Rusia ka afat që brenda 21 ditësh ta apelojë vendimin që do të thotë se përballja ligjore do të zgjasë edhe për disa muaj.