Qëlloi me thikë babain dhe të vëllanë, arrestohet 30 vjeçarja nga Mallakastra

34

Policia e Mallakastrës ka arrestuar një 30-vjeçare, e cila dje ka qëlluar me thikë babain e saj dhe vëllain pas një sherri në familje.

E.H., vuan nga probleme të shëndetit mendor, ndërkohë që babai dhe vëllai i saj ndodhen në spital nën kujdesin e mjekëve, jashtë rrezikut për jetën.

Njoftimi i policisë: Mallakastër

Specialistët për Hetimin e Krimeve në Komisariatin e Policisë Mallakastër, arrestuan shtetasen E. H., 30 vjeçe, banuese në Drenovë, Mallakastër.

Në datë 06.02.2021, rreth orës 22:00, në fshatin Drenovë, Mallakastër, në banesë, shtetasja E. H (e cila vuan nga probleme të shëndetit mendor), për motive të dobëta ka goditur me një mjet prerës (thikë), babain e saj, shtetasin F. H., 60 vjeç dhe vëllain, shtetasin N. H., 27 vjeç, të cilët ndodhen në spitalin Rajonal Fier, nën kujdesin e mjekëve jashtë rrezikut për jetën.

Materialet do i kalojnë Prokurorisë pranë Gjykatës së Shkallës së Parë Fier për veprën penale “Dhunë në familje”.

Article bottom Rectangle3