Ballina Aktualitet PD, përfundon procesi i numërimit për anëtarët e Këshillit Kombëtar

PD, përfundon procesi i numërimit për anëtarët e Këshillit Kombëtar

Ka përfunduar procesi i numërimit për zgjedhjet e anëtarëve të rinj të Këshillit Kombëtar të Partisë Demokratike. Votimi nisi dje në orën 11:00 ndërkohë që 8 kandidatë të Bashës u tërhoqën nga lista. Procesi i numërimit të votave ka vijuar përgjatë gjithë natës dhe ka përfunduar në orën 5 të mëngjesit, ndërkohë që në mesditë është lënë takimi i radhës për të nisur edhe përllogaritjen e votave. Deri më tani, nuk ka të dhëna sesa do të zgjasë si proces.

Ndërkohë që ende nuk kanë dalë rezultatet dhe emrat e fituesve të këtij procesi.  Ditën e djeshme, në Pallatin e Kongreseve u votua për 265 anëtarët e Këshillit Kombëtar të PD. Nga lista e Bashës u larguan publikisht rreth 8 kandidatë, 7 prej tyre të njohur si kritikë të fortë të kryedemokratit.

Nga 350 kandidatë, në garë ngelën vetëm 342. Të larguarit ishin, zëdhënësja e Berishës, Erla Mëhilli, Edvin Kulluri, Edit’h Harxhi, Mimoza Hajdarmataj, Fabian Topollaj, Valbona Mezini dhe Arben Skënderi. Spikati rikthimi i Gazmend Oketës, dhe Aleksandër Biberajt, Dash Sulës dhe Selami Xhepës. Me këtë listë u larguan Jozefina Topalli, Ridvan Bode, Genc Ruli, Astrit Patozi, Majlinda Bregu dhe Eduart Selami, që kërkuan dorëheqjen e Bashës në vitin 2017, pas humbjes në zgjedhjet parlamentare të 25 qershorit.