Friday, June 24, 2022
Ballina Blog Faqe 3

E akuzuar për korrupsion, sa vite burg kërkon SPAK për ish-zv.ministren Rovena Voda

SPAK kërkon dënimin me 1 vit e 6 muaj burg për ish-zv.ministren e Brendshme, Rovena Voda. Sipas SPAK, Voda është fajtore për akuzën e “ushtrimit të ndikimit të paligjshmën ndaj personave që ushtrojnë funksione publike”.

Për shkak të gjykimit të shkurtuar dënimi përfundimtar i kërkuar është 1 vit burg, si edhe 3 vjet heqje e së drejtës së ushtrimit të funksioneve publike.

Për dy të bashkëpanehurat e Vodës, Florida Beu dhe Majlinda Hasani, SPAK kërkoi nga 15 muaj burg, që për shkak të gjykimit të shkurtuar shkon në 10 muaj.

Sipas dosjes hetimore, në cilësinë e zv.ministres së Brendshme, Voda ka përfituar 1 mijë euro, një aparat telefonik celular dhe një arkë peshk nga dy persona, me qëllim punësimin e Florida Beut si specialkste në ministri.

Ku të fshiheni në shtëpi gjatë një sulmi ajror? Këto janë vendet e sigurta

Fare pak nga ndërtesat e apartamenteve në qytetet e Shqipërisë kanë vendstrehime për t’u ruajtur nga sulmet me bomba. Vendi ynë nuk ka as metro ose bodrume të sigurta pranë vendbanimeve.

Prandaj, tani që lufta në Evropë ka përfshirë Ukrainën dhe rreziku është aty, për zgjerim të sulmeve, është e rëndësishme të përcaktoni një vend të sigurt në shtëpinë tuaj.

Në udhëzuesin “Civic Guide” Mos u vër Panik! të shpërndarë nga qeveria ukrainase ka disa këshilla që vlejnë për këdo: Si të mbijetoni duke u fshehur gjatë një sulmi ajror.

Vendet më të sigurta në shtëpi janë pak, por e rëndësishme është të shmangni disa zona që mund të mendoni se janë të përshtatshme.

Idealja është që në rast sulmi ajror të mos qëndroni në banesë, por të dilni në katin e parë. Kujdes, nga shkallët dhe jo me ashensor. Gjeni hapësira që kanë mure të dyfishta, pra mur pas muri dhe qëndroni aty. Korridore me mure të dyfishta, apo kthina janë më të sigurta.

Nëse pallati ka parking të nëndheshëm, shkoni aty. Qëndroni në cepa dhe jo të grumbulluar në mes të hapësirave dhe sa më pranë daljes.

Nëse qëndroni në shtëpi, është e njëjta skemë, duhet të gjeni vende që kanë mur pas muri. Muret e brendshme që janë larg murit të fasadës së ndërtesës janë më të sigurta.

Nëse bamesa juaj sheh përballë në afërsi një tjetër pallat, kjo rrit sigurinë tuaj.

Nëse e dini se nga cila anë po ndodhin granatimet, duhet të zgjidhni dhomën më të largët nga ana e kundërt.

Në vendin e zgjedhur ju duhet të uleni ose të shtriheni në dysheme afër murit – sa më ulët të jetë një person kur predha godet, aq më shumë ka të ngjarë të mos goditet dhe mos përfundojë nën rrënoja.

Bllokimi i hapësirës ajrore/ Ambasada ruse në Tiranë këshillon qytetarët e saj: Ja cilën linjë të merrni për t’u kthyer në Moskë

Ambasada e Rusisë në Tiranë ka reaguar pas bllokimit të hapësirës ajrore shqiptare për të gjithë avionët rusë.

Ambasada e Rusisë njofton shtetasit e saj për itinerarin që duhet të ndjekin për t’u rikthyer në Rusi duke i rekomanduar të përdorin linjat si “Air Serbia” dhe “Turkish Airlines”

“Të nderuar bashkëatdhetarë! Lidhur me mbylljen e hapësirës ajrore të BE-së dhe Shqipërisë për anijet civile ruse me qëllim që të kthehen në Rusi, rekomandojmë përdorimin e transportuesve ajror që kanë mundësi të fluturojnë mbi territorin e Rusisë dhe Bashkimit Europian.

Veçanërisht, ju mund të përdorni shërbimet e linjave ajrore të mëposhtme: Air Serbia, TURKISH AIRLINES, etj.

Qëllimisht është edhe regjistrimi në aplikacionin celular “Asistent i huaj” i Ministrisë së Federatës Ruse”, thuhet në njoftimin e Ambasadës ruse në Tiranë.

Shqipëria si shumë vende të tjera europiane, kanë vendosur që të mbyllin hapësirën e tyre ajrore për avionët rusë, ndërkohë që shteti që drejtohen nga Vladimir Putin është përgjigjur po njësoj.

U arratis nga burgu natën e ndërrimit të viteve, arrestohet shqiptari në Itali

U arratis nga burgu natën e ndërrimit të viteve, arrestohet shqiptari në Itali.

27-vjeçari shqiptar Kristjan Mehilli, që ishte arratisur nga burgu i Vercllit në Itali rreth dy muaj më parë, ka rënë sërish në duart e autoriteteve dhe është rikthyer në burg.

Arratisja e të riut ndodhi në natën e ndërrimit të viteve.

I riu ishte arrestuar në vitin 2019, pasi akuzohet për një seri grabitjesh vilash, si anëtar i bandës “Ice Eyews”. Mëhilli u arratis nga burgu pas një plani të ishte menduar më herët së bashku me një tjetër shqiptar, i cili nuk arriti dot që të largohej.

Ata kanë sharruar hekurat e dritares së qelisë, më pas me çarçafë të lidhura litar, të dy kanë mundur të zbresin nga kati i katërt i qelisë në murin e brendshëm të burgut.

Të ndihmuar nga persona të jashtëm, të cilët u kanë hedhur litar brenda murit rrethues të burgut, Mëhilli ka arritur të largohet ndërsa tjetri është rrëzuar e ka thyer krahun. Ky i fundit është kapur nga rojet e burgut.

Banda famëkeqe me 4 anëtarë kryente grabitje në vila në zonat Alessandria, Casalese dhe Vercelli. Të armatosur dhe të dhunshëm, kështu ishin identifikuar fillimisht të katërt anëtarët e bandës.

Me Mëhillin, që banonte në Tortona, u arrestuan edhe Çesk Thani, Augustin Pjetergjokaj dhe Kristjan Keci. Banda goditi jo vetëm në zonën tonë, por edhe në Bresciano dhe në provincën e Bergamos. Në një rast pronari i vilës u detyrua të binte në gjunjë dhe u rrah për vdekje për të treguar kombinimin e kasafortës.

Kur Mëhilli dhe bashkëpunëtorët e tij u arrestuan, karabinierët gjetën armë, plumba, mjete vjedhjeje. Akuzat ndaj tyre ishin për bashkim kriminal me qëllim kryerjen e grabitjeve të banesave dhe armëmbajtje pa leje dhe sende të afta për ofendim dhe vjedhje, marrja e sendeve të vjedhura, lëndime të rënda personale.

Italia shpall gjendjen e jashtëzakonshme për të përballuar refugjatët ukrainas

Valë e madhe emigrantësh nga Ukraina në Evropë. Qeveria italiane ka shpallur gjendjen e jashtëzakonshme deri në fund të vitit për të përballuar fluksin e pritshëm të refugjatëve nga Ukraina, njoftoi të hënën Këshilli i Ministrave në Romë.

Prandaj, qeveria mund të marrë masa emergjente në raste të caktuara pa konsultime paraprake në parlament.

Pas pushtimit rus të Ukrainës, Italia, shtëpia e një komuniteti të madh ukrainas ku numërohen rreth 250 000 persona, po përgatitet të pranojë shumë refugjatë.

Qeveria vuri gjithashtu në dispozicion 10 milionë euro (11.2 milionë dollarë) për të organizuar ardhjen e refugjatëve.

Nisin bisedimet në Bjellorusi! Çfarë do të kërkojë Ukraina?

Bisedimet mes Rusisë dhe Ukrainës për të gjetur zgjidhje për luftën, kanë filluar. Reuters raporton se lajmi është bërë i ditur nga Mykhailo Podolyak, këshilltari i Presidentit ukrainas.

Takimi po zhvillohet në Bjellorusi, në një zonë pranë kufirit me Ukrainën.

Bisedimet do të fokusohen në arritjen e një armëpushimi të menjëhershëm dhe tërheqjen e forcave ruse nga territori ukrainas. Këto janë pretendimet e Ukrainës.

Delegacioni ukrainas mbërriti me helikopter ushtarak në rajonin Gomelit, aty ku mbahen bisedimet. Pjesë e delegacionit ukrainas është edhe ministri i Mbrojtjes së Ukrainës, Oleksii Reznikov.

Dimër në pranverë! Si parashikohet moti në ditët e para të marsit

Fundi i muajit shkurt ka sjellë reshje dëbore në disa zona të vendit, kryesisht në juglindje dhe veri. Sipas parashikimeve në ditët në vijim herë pas here pritet të ketë sërish reshje shiu dhe dëbore.

Ditët e fundit të shkurit dhe fillimi i marsit pritet të jenë me temperatura më të ulëta se normalja, të cilat pritet të arrijnë deri në -7 gradë në zonat malore.

“Do të mbetemi në kushte të paqëndrueshme atmosferike sa i përket tri ditëve të para të fillimit të javës. Deri në ditën e mërkurë prezente do të jenë reshjet e pakta të shiut, ndërkohë zonat malore do të vijojnë të kenë reshje dëbore, por do të jenë në sasi të pakta. Do të kemi një minidimër në fillim të marsit. Parashikohet që termometri të zbresë deri në minus 7 gradë Celcius në zonat malore, ndërsa në zonat e ulëta do të luhatet në vlerat 3-6 gradë Celcius. Edhe vlerat maksimale parashikohet të bien ndjeshëm. Ato parashikohet të shkojnë jo më shumë se 12 gradë Celcius gjatë ditëve në vijim”, -tha meteorlogia e Meteoalb, Drinalda Shaholli.

Me pak fjalë, përgatituni për disa ditë të ftohta.

Çdo shenjë horoskopi përfaqësohet nga një kafshë, çfarë simbolizon për ju

Çdo shenjë horoskopi përfaqësohet nga një kafshë, çfarë simbolizon e juaja

Dashi: Dashi

Dashi është simbol i veprimit, vendosmërisë dhe iniciativës, cilësi që shkojnë krah për krah me shenjën tuaj.

Demi: Demi

Ju jeni një dem kokëfortë, por me siguri tashmë e dinit këtë. Fuqia, forca dhe prania e “kafshës suaj shpirtërore” adhurohet dhe vlerësohet në të gjitha kulturat. Është simbol i forcës dhe stabilitetit.

Binjakët: Flutura

Flutura është e paqëndrueshme, e gjallë dhe e vështirë për t’u kapur. Është gjithashtu simbol i dualitetit që ekzison në gjithçka. E kuptoni tani pse ju përfaqëson flutura?

Gaforrja: Gaforrja

Këmbëngulës dhe intuitiv, gaforrja është simbolikë e kohës dhe e vulnerabilitetit. Ecën anash, por në ritmin e saj unik.

Luani: Luani

Le të themi që askush s’mund të të injorojë nëse ti hyn në një dhomë. Madhështor dhe karizmatik, luani është simbol i guximit, mbretërisë dhe mbrojtjes. Lufton vazhdimisht përballë pengesave dhe sfidave.

Virgjëresha: Bleta

Ju jeni një bletë, gjithmonë e zënë me punë. Simbol i një “detyre hyjnore”. Të lashtët besonin se bletët nuk flenë kurrë – prandaj janë një emblemë e “bollëkut dhe fryteve”.

Peshorja: Mjellma

Ashtu si mjellma, esenca juaj harmonizohet në mënyrë perfekte me bukurinë, madhështinë dhe dashurinë. Një mjellmë është edhe një simbol i bashkimit të dy shpirtrave binjakë.

Akrepi: Akrepi

Akrepat janë simbol i dominimit, pasionit dhe rilindjes. Nga ana e errët, ata janë gjithashtu shumë të ndjeshëm dhe mbrojtës.

Shigjetari: Kali

Dëshira e një kali për aventurë shkon në mënyrë të përsosur edhe me shpirtin tuaj të lirë. Një simbol i lirisë, kali është një përfaqësim i udhëtimit, lëvizjes dhe dëshirës.

Bricjapi: Dhia

Vendosmërinë e një Bricjapi nuk mund ta përfaqësojë asgjë më mirë se dhia -Një simbol i sakrificës, gjallërisë dhe shkathtësisë.

Ujori: Lepuri

Ka shumë mënyra për të treguar se çfarë përfaqëson një lepur, por një ndër to është intuita dhe Ujori ka nuhatje perfekte për këtë!

Peshqit: Peshku

I ndjeshëm dhe thellësisht i vetëdijshëm, peshku është simbol i krijimtarisë, besimit, qëndresës dhe qetësisë. Lidhet me thelbin e elementit ujë dhe sferës universale.

Nga izolimi te varësia, 4 shenjat që tregojnë se lidhja juaj është kthyer në një sëmundje

Varësia afektive (ose dashuria patologjike) vjen kur dashuria bëhet një varësi impulsive, e detyrueshme dhe jo e shëndetshme.

Për ata që vuajnë nga pavarësia emocionale, shenjat nuk janë gjithmonë të lehta për t’u identifikuar, megjithëse ato mund të bëhen mjaft të dukshme me kalimin e kohës.

Këtu janë katër shenjat që ju dëshmojnë qartë se lidhja juaj është kthyer në diçka toksike:

Vetëvlerësim i ulët

Për ata që vuajnë nga kjo gjendje, mendimet poshtëruese për veten e tyre janë pjesë e jetës së përditshme. Në këto raste po flasim për vetëvlerësim të ulët, personi që vuan nga kjo kërkon vazhdimisht konfirmim dhe njohje nga partneri.

Varësia, shqetësimi i tepërt dhe xhelozia

Shqetësimi i tepërt i partnerit, fiksimi dhe kontrolli janë shenja paralajmëruese. Kërkoni ndihmë.

Frika nga të qenit vetëm

Ka njerëz që janë të lumtur vetëm nëse janë në një lidhje. Mos harroni vlerën tuaj pa marrë parasysh se kush është në krahun tuaj.

Mosinteresim dhe izolim

Humbja e interesave të dikujt, largimi dhe përqëndrimi ekskluzivisht tek partneri, nuk janë një sjellje e shëndetshme. Kini kujdes!

Burrat apo gratë, kush e vuan më shumë vetminë?

Stereotipet e vetmisë thonë që vetmia rritet me moshën. Ne e fillojmë jetën me një rrjet shoqëror të gjerë dhe dinamik. Me kalimin e kohës, miqësitë shpërndahen, njerëzit ndjekin drejtime të ndryshme dhe miqtë ose të njohurit bëhen më të vështirë për t’u arritur.

Por a përputhet stereotipi me realitetin?

Hulumtimi i ri i botuar në Gazetën e Personalitetit dhe Psikologjisë Sociale shqyrtoi zhvillimin e vetmisë përgjatë gjithë jetës. Është interesante pasi studiuesit zbuluan se trajektorja e vetmisë në moshën e mesme dhe tek të moshuarit varej nga gjinia e një personi. Burrat e përjetonin vetminë më shumë në moshën e mesme, ndërkohë gratë janë më të vetmuara në pleqëri.

Pra, burrat ndihen më të vetmuar rreth moshës 40-vjeçare, ndërkohë në moshën 80-vjeçare, vetmia ulet. Ndërkohë e kundërta ndodh tek tek gratë.

Gjithsesi, gjinia nuk ishte i vetmi faktor që ndikon tek vetmia. Studiuesit gjithashtu zbuluan se rrethanat sociale dhe mjedisore kontribuan në zhvillimin e vetmisë në jetën e mëvonshme.

Artikujt e Fundit