Sunday, June 19, 2022
Ballina Blog Faqe 2

Ushtroi dhunë fizike ndaj familjarëve, vihet në pranga 46-vjeçari në Tiranë

Tiranë

Finalizohet operacioni policor i koduar “Lanabregasi”, i zhvilluar nga Komisariati i Policisë Nr. 4.

Falë ndërhyrjes në kohë nga Policia parandalohet përshkallëzimi i mëtejshëm i dhunës në familje.

Vihet në pranga një 46-vjeçar.

Shërbimet e Komisariatit të Policisë Nr. 4, pas marrjes së njoftimit se një shtetas ka ushtruar dhunë ndaj familjarëve dhe mbante armë zjarri në banesë, në Lanabregas, kanë organizuar punën dhe kanë finalizuar operacionin policor të koduar “Lanabregasi”, në kuadër të të cilit u bë kapja dhe arrestimi në flagrancë i shtetasit:

– R. D., 46 vjeç, banues në Lanabregas, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Dhuna në familje” dhe “Kundërshtimi i punonjësit të policisë së rendit publik”.

Ky shtetas ka ushtruar dhunë ndaj familjarëve dhe gjatë kontrollit të banesës iu gjetën dhe sekuestruan në cilësinë e provës materiale një armë zjarri pistoletë dhe një krëhër me municion luftarak. Gjithashtu, gjatë kontrollit të banesës dhe gjatë shoqërimit, ka kundërshtuar punonjësit e policisë për kryerjen e detyrës.

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

Nuk ‘ndëshkonin’ me gjobë por u merrnin para shoferëve, arrestohen dy inspektorë policie në Tiranë

Janë arrestuar ditën e sotme dy inspektorë të Policisë në Tiranë pasi teksa ishin në shërbim me aparatin matës nuk ndëshkonin shoferët me gjoba sipas ligjit.

Mësohet se të arrestuarit janë shtetasit me inicialet E.Ç dhe K.Ç të cilët në bashkëpunim me njëri-tjetrin ndalonin automjete dhe nuk vendosnin gjoba në rast shkeljeje por merrin vlera monetare nga shoferët.

Njoftimi i Policisë:

Pas hetimeve të zhvilluara nga Drejtoria Rajonale e AMP Tiranë për llogari të Proçedimit Penal Nr. 5333 të vitit 2021, regjistruar nga Prokuroria pranë Gjykatës së Shkallës së Parë Tiranë dhe i aplikuar me metoda speciale të hetimit , u bë i mundur dokumentimi me prova ligjore dhe arrestimi në flagrancë i punonjësve të policisë:- Inspektor E. Ç., me detyrë agjent verifikues/trup shërbimi në Komisariatin Rajonal të Policisë Rrugore Tiranë, i dyshuar për “Korrupsion pasiv i personave që ushtrojnë funksione publike” dhe “Shpërdorim detyre” në bashkëpunim.- Inspektor K. Ç., me detyrë agjent verifikues/trup shërbimi në Komisariatin Rajonal të Policisë Rrugore Tiranë, i dyshuar për “Korrupsion pasiv i personave që ushtrojnë funksione publike” dhe “Shpërdorim detyre” në bashkëpunim.Arrestimi i tyre u krye pasi këta punonjës policie, duke qenë me shërbim me aparatin shpejtësi matës (Radar) dhe në bashkëpunim me njëri-tjetrin, pasi ndalonin automjete, nuk i ndëshkonin ata me masa administrative sipas parashikimeve të nenit 140 të Kodit Rrugor të Republikës së Shqipërisë, në shkëmbim të vlerave monetare Në cilësinë e provës materiale janë sekuestruar dhe vlerat monetare të përfituara nga punonjësit e policisë gjatë ushtrimit të detyrës.

Hetimet vijojnë në bashkëpunim me Prokurorinë pranë Gjykatës së Shkallës së Parë Tiranë, për evidentimin e të gjitha rasteve të ngjashme si dhe identifikimin e punonjësve të tjerë të policisë të përfshirë në këtë veprimtari.AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, duke telefonuar në numrin e gjelbër 0800 90 90.

I thashë Putin: ‘Ta hedh bombën atomike në Moskë’! Trump befason me deklaratën e tij

Ish-presidenti i Shteteve të Bashkuara të Amerikës, Donald Trump ka folur sërish në lidhje me situatën e krijuar së fundmi në Ukrainë pas pushtimit rus.

Më herët ai në një bisedë me një mikun e tij ka theksuar se gjatë presidencës së tij në krye të Amerikës, Putin nuk kishte asnjë shans që të sulmonte Ukrainën.

Trump, në një bisedë telefonike me golfistin, John Daly, theksoi se ishte marrë vesh shumë mirë me Putin kur ishte president dhe se Rusia nuk e sulmoi në atë kohë Ukrainën, pasi ai e kërcënoi se do t’i hidhte bombën bërthamore në Moskë.

“Të gjithë sot thonë se ai është një fuqi bërthamore, sikur të kenë frikë prej tij. Ti e di. Ai ishte një miku im dhe unë ja kalova mirë me të. I thashë, Vladimir, nëse e bën këtë gjë ne do të godasim Moskën. Dhe ai më besoi sadopak 5%, 10% aq duhet”, është shprehur Trump në bisedën me mikun e tij.

Ndër të tjera Trump deklaron se as presidenti kinez nuk ngatërrohej me të pasi dhe atij i kishte thënë të njëjtën gjë.

Një grua ndërron jetë në autobus në Tiranë!

Humb jetën në autobus një grua në Tiranë.

Ngjarja ndodhi në rrugën “Dritan Hoxha”.

Sipas policisë, në një mjet të transportit publik (autobus) ka ndërruar jetë M. N., 46 vjeçe.

Nga këqyrja paraprake nuk janë konstatuar shenja dhune dhe dyshohet se vdekja mund të jetë shkaktuar nga shkaqe natyrore.

Grupi hetimor po punon për sqarimin e rrethanave të ngjarjes.

Furnizonin me drogë disa zona të Tiranës, përfundojnë në pranga 3 të rinj

Policia e Tiranës ka arrestuar tre të rinj, të cilët shpërndanin drogë në disa zona në kryeqytet.

Sipas burimeve policorë në pranga përfunduan E. F., 18 vjeç, dhe M. K., 17 vjeç, të dy banues në Tiranë.

Këta dy shtetas, në bashkëpunim me njëri-tjetrin, pasi siguronin sasi të konsiderueshme të lëndës narkotike cannabis sativa, e shisnin atë në doza të vogla, në Babrru, Kamzë dhe në Paskuqan.

Ndërkohë u arrestua edhe 21-vjeçari B.F, i cili pasi siguronte drogën e shpërndante atë në disa zona.

Gjatë operacionit sekuestrohet lëndë narkotike cannabis sativa, e ndarë në doza, gati për shitje, tre aparate celulare dhe një automjet.

Njoftimi:

Tiranë

Finalizohet operacioni i koduar “Braka 2”, për goditjen e veprimtarisë kriminale në fushën e narkotikëve.

Operacioni i zhvilluar nga Sektori për Hetimin e Narkotikëve dhe Trafiqeve të Paligjshme në DVP Tiranë.

Goditen dy raste të shpërndarjes së lëndëve narkotike në doza.

Vihen në pranga 3 shtetasit që posedonin dhe shpërndanin lëndën narkotike.

Sekuestrohet lëndë narkotike cannabis sativa, e ndarë në doza, gati për shitje, tre aparate celulare dhe një automjet.

Specialistët e Sektorit të Hetimit të Narkotikëve dhe Trafiqeve të Paligjshme, në vijim të punës për goditjen e aktivitetit kriminal në fushën e prodhimit dhe shpërndarjes së lëndëve narkotike, bazuar dhe në informacionet e siguruara në rrugë operative, kanë goditur dy raste të shpërndarjes së lëndëve narkotike.

Si rezultat u bë arrestimi në flagrancë i shtetasve:

– E. F., 18 vjeç, dhe M. K., 17 vjeç, të dy banues në Tiranë.

Këta dy shtetas, në bashkëpunim me njëri-tjetrin, pasi siguronin sasi të konsiderueshme të lëndës narkotike cannabis sativa, e shisnin atë në doza të vogla, në Babrru, Kamzë dhe në Paskuqan.

Gjatë kontrollit të ushtruar në automjetin me drejtues shtetasin E. F. dhe pasagjer shtetasin M. K., u gjet një sasi lënde e dyshuar narkotike e llojit cannabis sativa, e ndarë në doza, gati për shitje, e cila u sekustrua në cilësinë e provës materiale, së bashku me automjetin dhe dy aparate celulare.

Gjithashtu, po në kuadër të operacionit “Braka 2” u bë arrestimi në flagrancë i shtetasit B. F., 21 vjeç, banues në Tiranë.

Ky shtetas siguronte sasi të konsiderueshme të lëndës narkotike cannabis sativa dhe më pas e shiste atë në doza të vogla, në zona të ndryshme të Tiranës.

Gjatë kontrollit fizik të ushtruar nga shërbimet e Policisë, këtij shtetasi iu gjet dhe iu sekuestrua në cilësinë e provës materiale një sasi lënde e dyshuar narkotike cannabis sativa, e ndarë në doza gati për shitje, si dhe një aparat celular.

Materialet i kaluan Prokurorisë së Shkallës së Parë të Rrethit Gjyqësor Tiranë, për veprime të mëtejshme procedurale.

50 euro shefit, procedohet i riu në Rinas. Arrestohen tre të tjerë

Tentoi të korruptojë punonjësin e policisë së Rinasit, procedohet penalisht një i ri.

Shërbimet e policisë në Rinas kanë evidentuar një rast të mitdhënies dhe kanë proceduar penalisht shtetasin M. P., 32 vjeç, për veprën penale “Korrupsioni aktiv i personave që ushtrojnë funksione publike”. Ky shtetas, është paraqitur pranë gabinave të daljes, dhe për të shmangur refuzimin e daljes për shkak të mungesës së dokumenteve përkatëse, ka tentuar të korruptojë punonjësit e Policisë Kufitare të planizuar me shërbim, duke i ofruar një shumë parash.

Gjithashtu, gjatë këtyre ditëve, janë kapur tre shtetas të shpallur në kërkim, goditur 6 raste të falsifikimit të dokumenteve ku shtetasit kanë tentuar të hyjnë në RSH-së, me pasaporta të falsifikuara, si dhe janë proceduar penalisht dhe 6 shtetas të tjerë, për vepra të ndryshme penale.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.

Tragjike/Një grua gjendet e pajetë pranë banesës

Një grua është gjetur e vdekur mëngjesin e sotëm.

Rreth orës 08:30, në Libohovë, pranë banesës së saj, është gjetur nga familjarët, e vetëvarur shtetasia Th. G., 52 vjeçe, i cila vuante nga probleme të shëndetit mendor.

Në vendngjarje ndodhet grupi hetimor dhe po punon për sqarimin e rrethanave të ngjarjes.

‘Evropianë, zgjohuni ju lutem’! Sulmi në termocentralin bërthamor, reagon Zelensky

Presidenti ukrainas Volodymyr Zelensky akuzoi Rusinë për gjuajtje të qëllimshme në termocentralin bërthamor të Zaporizhzhia, pasi një zjarr shpërtheu në objekt pas granatimeve të rënda nga forcat ruse. CNN shkruan se autoritetet ukrainase thonë se termocentrali nuk ka pësuar ndonjë dëmtim kritik dhe se nivelet e rrezatimit janë aktualisht normale, megjithëse situata mbetet e rrjedhshme dhe zjarrfikësit vazhdojnë të luftojnë me flakët.

“Tanket ruse qëllojnë blloqet atomike të pajisura me imazhe termike. Ata e dinë se për çfarë po qëllojnë. Ata janë përgatitur për këtë sulm. Evropianë, zgjohuni të lutem. U thoni politikanëve tuaj se forcat ruse po qëllojnë në centralin bërthamor në Ukrainë“, shkruan ai.

Zelensky gjithashtu iu referua tragjedisë së Çernobilit dhe viktimave të saj në postim. Për të gjithë ukrainasit, për të gjithë evropianët, për të gjithë njerëzit që e dinë fjalën “Çernobil”, sa viktima ka pasur.

Fatkeqësia e Çernobilit e vitit 1986, e cila ndodhi në Ukrainën Sovjetike, konsiderohet si aksidenti më i keq bërthamor në histori. Ishte një katastrofë globale që preku jetën e qindra mijëra njerëzve dhe pati një ndikim të qëndrueshëm në vend.

Hajduti qëllon me armë zjarri policët në Tiranë dhe arratiset

Një aksion i policisë së kryeqytetit për kapjen e një hajduti, gati sa nuk është kthyer në tragjedi.

Në momentin kur policia shkoi të arrestonte një të dyhuar për vjedhje, ai ka hapur zjarr dhe është zhdukur me shpejtësi.

Policia e komisariatit nr. 5 në Tiranë bën me dije se, pas informacioneve të siguruara për vendndodhjen e një personi në kërkim për vjedhje, janë vënë në ndjekje të tij.

Por shtetasi në kërkim E. Ç., sapo ka konstatuar se po ndiqej nga shërbimet e Policisë, ka qëlluar me armë zjarri dhe është larguar me shpejtësi.

Shërbimet e policisë janë vënë në kërkim të tij.

Materialet i kanë kaluar prokurorisë për hetime të mëtejshme.

Masakra në familjen shqiptare në Greqi/ Zbulohen detaje të tmerrshme: Dy fëmijët u vranë me sëpatë

Zbulohen detaje të tmerrshme nga vrasja e çiftit shqiptar dhe dy fëmijëve të tyre në Greqi.

Sipas vlerësimeve të para, oficerët e policisë kanë qëndruar gjithë natën në vendin ku çifti (Maria, Xhorxhi) dhe dy fëmijët u gjetën pa jetë dhe dyshohet se janë qëlluar me sëpatë.

Burime të medieve greke nga policia bëjnë me dije se krimi po konsiderohej se u krye nga ish-bashkëshorti i gruas shqiptare, i cili vrau çiftin dhe dy fëmijët e tyre të vegjël, duke lënë të gjallë të vetëm fëmijën e tij, rreth 12 vjeç, i cili ishte fryt i martesës së tij të mëparshme.

Sipas “patrisnews”, detajet e krimit të rëndë janë edhe më tronditëse pasi dëshmitarët okularë përshkruajnë sesi kur 12-vjeçari gjeti nënën, babanë dhe dy vëllezërit e tij në një pellg gjaku. Në fakt, 12-vjeçari e ka nxjerrë në rrugë trupin më të vogël të familjes, duke ecur disa metra për të kërkuar me dëshpërim ndihmë nga kalimtarët.

“Çifti ishte nga Shqipëria dhe jetojnë në këtë shtëpi prej dy viteve të fundit. Çifti i qetë nuk kishte dhënë kurrë të drejta. Maria duhet të ketë qenë rreth 28-30 vjeç dhe Xhorxhi pak më i madh. Ajo ishte gjithmonë shumë e sjellshme me fëmijët e saj, ndërkohë që do ta përshkruanit si pak humor, ai nuk fliste shumë përveç formaliteteve. Sigurisht që ishte punëtor si kushdo në punë nga mëngjesi deri në mbrëmje”, u shpreh njw fqinje e tyre.

Artikujt e Fundit