Shefja e Infektivit, Najada Çomo, ka denoncuar në polici një shtetase e cila e ka shqetësuar me telefonata të shumta.
Sipas mediave çështja po trajtohet nga komisariati nr 4, i Policisë në Tiranë i cili ka referuar materialet në prokurori.
Autorja, një vajzë 32-vjeçare nga Berati, që nga 28 janari e telefonon mjeken mbi 20 herë në ditë duke e ofenduar.
Arsyeja e këtyre telefonatave ishte një i afërm me COVID që trajtohej nga Çomo.
Thirrjet telefonike dashakeqëse që bëhen me qëllim për të prishur qetësinë e tjetrit, përbëjnë kundërvajtje penale dhe dënohen me gjobë ose me burgim deri në një vit.
