Ballina Aktualitet Mjekët specializantë të QSUT në protestë, na garantoni sigurinë fizike

Mjekët specializantë të QSUT në protestë, na garantoni sigurinë fizike

Mjekët specializantë kanë dal sot në protestë në QSUT pas dhunës që u ushtrua disa ditë më parë ndaj koleges së tyre.

Mjekët e rinj kanë deklaruar se ndihen të kërcënuar për jetën dhe në presion gjatë ushtrimit të detyrës së tyre. Ata kërkojnë siguri fizike në punën e tyre.

“Doktoresha ka qenë në shërbim dhe në orarin e punës dhe duke komunikuar vendimin e qeverisë se ditën e mërkurë të gjithë pacientët e të gjitha urgjencave do të kalojnë në spital “Shefqet Ndroqi”. Është një vendim i shpallur para disa kohësh nga qeveria të cilët ne jemi të detyruar ta zbatojmë. Kjo mjaftoi që kolegia jonë të vihet përpara situate dhune përpara pacientit dhe familajrëve të pacientit që e shoqërojnë. Kjo është e patolerueshme dhe e papranueshme” shprehet një prej përfaqësueseve në protestë.

Për dhunën ndaj mjekes së re, Drejtoria e QSUT ka dal në një deklaratë zyrtare ku ka dënuar dhunën ndaj bluzave të bardha.

“Drejtoria e Qendrës Spitalore Universitare “Nënë Tereza”, dënon rëndë aktin e dhunës së ushtruar nga një person i papërgjegjshëm, kundrejt mjekes specializante të Klinikës së parë të Kirurgjisë V. Z, gjatë ushtrimit të detyrës në Urgjencën Kirurgjikale. Një person i dehur, i papërgjegjshëm, i afërm i një pacienteje e cila po merrte shërbim mjekësor, ka dhunuar mjeken dhe më pas është konfliktuar edhe me forcat e rendit, të cilët ushtrojnë detyrën e tyre në shërbimin e Urgjencës Kirurgjikale.