Manastirliu bën apel për mbajtjen e maskave në rrugë, del shuma e gjobave dhe hapen kinematë!

38

Ministrja e Shëndetësisë ka apeluar qytetarët që të tregohen të përgjegjshëm duke mbajtur maskën në rrugë ditën e nesërme.

Masnastirliu thotë se shqiptarët e kanë treguar shembullin e solidaritetit në kohë të vështira.

“Me këtë video ndërgjegjësuese të “Stanford Medicine”, dua t’i bëj thirrje çdo qytetari që të marrë përgjegjësinë për shëndetin e vetes, të familjes, të miqve.

Me qëllim që në këtë përballje të vështirë me Covid-19 të dalim me sa më pak humbje, duke dhënë edhe një herë një shembull solidariteti, siç dimë të japim ne shqiptarët në kohë të vështira.

#mbanimaskënmbronishëndetin”, shkruan Manastirliu.

Kush kapet në rrugë pa maskë mbrojtëse do të gjobitet me 3 mijë lekë të rinj, dhe nëse kapet sërish gjoba do jetë 5 mijë lekë të rinj.

Gjithashtu është shfuqizuar vendimi për mbylljen e kinemave, duke lejuar funksionimin në bazë të protokolleve.