Ballina Ekonomi / Biznes Kuvend, ministri Ahmetaj: PPP-të, shërbim për qytetarët

Kuvend, ministri Ahmetaj: PPP-të, shërbim për qytetarët

Ministri i Financave dhe Ekonomisë Arben Ahmetaj deklaroi sot nga foltorja e Kuvendit se Partneriteti Publik Privat (PPP) nuk është gjë tjetër veçse shërbim ndaj qytetarit.

“PPP-të janë të gjitha transparente. Opozita tha që koncensionet rëndojnë mbi qytetarët. Rruga e Arbrit, tha, me koncesion që kushton 240 milionë euro, pse duhej të bëhej tani? Ajo rrugë duhej të bëhej tani, edhe pse buxheti nuk kishte mundësi ta bënte, dhe prandaj hyn PPP-ja, procedurë totalisht transparente. Kjo bën të mundur që dibranët të mos presin 20 vite për rrugën. Pyes opozitën, çfarë keni me dibranët që s’doni të bëhet rruga? Se nuk ju dhanë votën? S’jua dhanë se nuk e meritoni. Rrugë me koncesione bën e gjithë bota. Ne kemi bërë gjithë ato rrugë, dializë, check-up, inceneratorët për plehrat. Apo doni që qytetarët të mbyten? Janë shërbime publike,”- u shpreh Ahmetaj gjatë fjalimit të tij.