Ballina Aktualitet Kuvend, kreu Rama: Protesta i dha një shuplakë qeverisë, grusht opozitës dhe...

Kuvend, kreu Rama: Protesta i dha një shuplakë qeverisë, grusht opozitës dhe shpresë shoqërisë

Gjatë fjalimit të mbajtur në foltoren e Kuvendit, kryeministri Edi Rama deklaroi hapur se: “Protesta i dha një shuplakë qeverisë. Një grusht opozitës dhe e treta, protesta i dha një shpresë shoqërisë”.

Në të njëjtën kohë kur jashtë ndodhen studentë të universiteteve publike që protestojnë për plotësimin e 8 kërkesave, teksa pranoi hapur edhe ‘shuplakën’ që mori qeveria me këto protesta, duke mbështetur kështu dialogun me studentët, Rama nuk la pa ironizuar opozitën.

“Adashi im me mbiemër, Rama Luan tha që studentët kanë të drejtë të na nxjerrin të gjithëve jashtë. Ndërkohë juve ju kanë nxjerrë jashtë. U detyruar që të hidheni jashtë. Për të mos humbur kohë, së pari dje janë formuar edhe organet e drejtësisë së re (KLP dhe KLGj) pasi u emërua dhe KLD. Sa i përket propozimit të këtyre nuk është çështje buxheti dhe proceduriale, por janë të refuzuar. Sepse janë propozime të bëra për të mos u bërë kurrë. Tani leximi im i protestës së studentëve. Protesta i dha një shuplakë qeverisë. Një grusht opozitës dhe e treta, protesta i dha një shpresë shoqërisë,” – shtoi më tej kreu Rama.