Ballina RAJONI Kosovë, kryeministri Haradinaj: Shans për liberalizimin e vizave në 2019-n

Kosovë, kryeministri Haradinaj: Shans për liberalizimin e vizave në 2019-n

Kryeministri i Kosovës, Ramush Haradinaj ditën e sotme deklaroi se Kosova ka një shans për liberalizimin e vizave vitin që vjen.

Në një intervistë për gazetën “Epoka e re”, ai ka theksuar se Kosova me këtë qeveri është krejtësisht ndryshe.

“Ne e kemi mundësinë për liberalizimin nëse në muajin shkurt mblidhet Këshilli i Ministrave dhe po punojmë në këtë drejtim. Në fakt, e kemi shumë me rëndësi ta marrin liberalizimin e vizave në shkurt apo mars të 2019-s. E di që evropianët po thonë që mos caktoni datë. Ne nuk po caktojmë data, por e kemi interes këtë çështje. Tani ka filluar edhe një valë e ftesave të ish-luftëtarëve të UÇK-së për Hagë. Në këtë mënyrë është e pashpjegueshme mbajtja e Kosovës në izolim. Lëvizja e lirë do ta rriste besimin e qytetarit të Kosovës për BE-në. Kam kërkuar miqësisht, sidomos prej vendeve të Quntit, që vërtet të ketë lëvizje në këtë drejtim, ngaqë Kosova i ka plotësuar kriteret e parapara për këtë proces. Në këtë drejtim, ai ka thënë se është e pashpjegueshme mbajtja e Kosovës në izolim,” – u shpreh Kryeministri i Kosovës.