Ballina Kronikë Korçë, policia kap korçarin me 20 mijë € dhe drogë në makinë

Korçë, policia kap korçarin me 20 mijë € dhe drogë në makinë

Policia e Korçës finalizoi sot operacionin e koduar “Ndjekja” ku sekuestroi 46 kg lëndë e dyshuar narkotike Cannabis Sativa dhe 20 000 Euro.

Si rezultat i operacionit u bë kapja dhe arrestimi në flagrancë i shtetasit Th.Dh., 34 vjeç, banues në Korçë, i cili ka tentuar të largohet, por është kapur pas ndjekjes nga Policia.

Gjatë kontrollit të ushtruar në mjetin tip “Benz”, të cilin ky shtetas drejtonte, iu gjetën 46 kg lëndë e dyshuar narkotike Cannabis Sativa, kurse gjatë kontrollit në banesën e tij, iu gjetën e sekuestruan edhe 20 000 Euro si edhe 10 aparate celulare.

Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.