Ballina BOTA Korea e Veriut, Kim Jong Un: Viti 2019, takime më të shpeshta...

Korea e Veriut, Kim Jong Un: Viti 2019, takime më të shpeshta me Moon Jae-in

Lideri koreano-verior Kim Jong Un premtoi në një letër të pazakontë drejtuar qeverisë koreano-veriore për takime më të shpeshta në 2019 me homologun koreano-jugor Moon Jae-in për të diskutuar për denuklearizimin e gadishullit, njoftoi sot zyra e presidentit Moon Jae-in.

“Në një letër drejtuar presidencës koreano-jugore me rastin e fundvitit, Kim Jong Un shprehu vullnetin e tij për takime më të shpeshta me Moon në 2019 për të promovuar paqen dhe zgjidhur sëbashku problemin e denuklearizimit të gadishullit,’’ – bëri të ditur një zëdhënës i presidencës koreano-jugore.

Lideri koreano-verior zhvilloi tre takime me homologun koreano-jugor në vitin 2018, dy herë në Panmunjom, qytezë kufitare midis dy shteteve, dhe një herë në Phenian, kryeqytetin koreano-verior.