Këngën që kishte përgatitur për vete Flor Mumajesi, i’a mori Arditi

36

Vetëm një javë i’u desh Flori Mumajesit që të kishte sukses me këngën “Plas” që i dha dhe çmimin e parë në “Kënga Magjike”. Por në fakt, e vërteta e kësaj kënge është komplet ndryshe. Flori kishte përgatitur një tjetër këngë për vete, për t’u përfaqësuar në “Kënga Magjike”, por atë ia mori Arditi.

Këtë e ka treguar vetë Ardit Gjebrea për “Thumb”. Kur shkoi në studion e Florit dhe dëgjoi vijën melodike të këngës së tij, Arditi qau. Iu kujtua e ëma, madje ia kërkoi Florit ta këndojë, por donte ta këndonte në duet: “Flori më tha që kjo këngë nuk është për duet. Në fakt, mua që aty më erdhi vija tjetër melodike dhe teksi i kësaj kënge. Kur humb dikë të shtrenjtë në jetë, është e vështirë t’ia fshish emrin dhe të thuash “ajo”, – tha Arditi pak para se të këndonte këngën që e kishte dedikim për të ëmën e ndjerë, e cila u nda nga jeta disa muaj më parë.