Kaliforni, raportohen 71 të vdekur dhe mbi 1000 të zhdukur pas zjarreve

66

Vijon të jetë dramatike situata në Kaliforni pas zjarreve të shumta të cilat e shkrumbuan vendin tërësisht.

Më shumë se 1000 persona raportohen të zhdukur, ndërsa bëhet e ditur se 71 të tjerë kanë humbur jetën. Ndërkohë, dëmet e shkaktuara nga zjarret janë të mëdha e mijëra shtëpi janë shkrumbuar nga flakët.

Brenda 24-orëve lista e të zhdukurve u rrit në mënyrë të frikshme, nga 631 në 1011 persona.

Autoritetet bëjnë thirrje për ruajtje të qetësisë duke theksuar se numri i viktimave pritet të rritet dhe nga ana tjetër, ekspertët përmendin një sërë shkaqesh për zjarret, që nga shtimi i popullsisë, dështimi i pajisjeve e deri tek ndryshimet klimatike.