Ballina BOTA Jennifer Anniston: Martesa e suksesshme nuk do të thotë se do zgjasë...

Jennifer Anniston: Martesa e suksesshme nuk do të thotë se do zgjasë përjetësisht

Jennifer Anniston ka qenë dy herë e martuar, me Brad Pitt dhe Justin Theroux.
Por edhe pse martesat e saj përfunduan, aktorja nuk e sheh si diçka të keqe.
Në një intervistë për ELLE, është shprehur se martesë e suksesshme nuk zgjat përjetësisht.

“Martesat e mia, të dyja kanë qenë shumë të suksesshme, për mendimin tim personal,”-tha ajo. “Dhe kur përfunduan, ishte një zgjedhje që u bë. Ne zgjodhëm të ishim të lumtur dhe ndonjëherë lumturia nuk ekzistonte më brenda asaj marrëveshje.”

Ndërsa shton: “Sigurisht ka pasur probleme dhe jo çdo moment është fantastik. Por në fund kjo është jeta jonë dhe unë nuk mund të qëndroj në një situatë nga frika.”
Por kjo nuk është e gjitha. Ikona e Friends gjithashtu dëshiron të ndryshojë konceptin e grave që zgjedhin të mos kenë fëmijë apo të martohen.

“Ne jetojmë në një shoqëri ku grave u thuhet: Nga kjo moshë duhet të martoheni. Në këtë moshë duhet të keni fëmijë. Kjo është një përrallë. Është diçka që po përpiqemi ta ndalojmë,”-tha aktorja. “Kjo është pjesë e seksizmit, gjithmonë gruaja që është e përbuzur, nuk është e kundërta.”