Ballina BOTA Izrael, miratohet ligji për eksportin e marijuanës

Izrael, miratohet ligji për eksportin e marijuanës

Parlamenti izraelit në mënyrë unanime miratoi një ligj që lejon eksportin e kanabisit mjekësor, duke i lejuar vendit të bëhet pjesë e tregut fitimprurës global.
Izraeli do të bëhet vendi i tretë, pas Holandës dhe Kanadasë, që e bën kanabisin mjekësor global, transmeton AP.

Kompania izraelite për prodhimin e kanabisit mjekësor “iCAN” parashikon se industria globale do të arrijë 33 miliard dollarë në pesë vitet e ardhshme, meqë stigma do të zbehet si dhe do të rritet kërkesa ndaj vendeve të certifikuara për eksport. Pas miratimit të ligjit, aksionet e kompanisë u rritën për 10 për qind.

Ligji u zvarrit për vite me radhë nga frika e zyrtarëve të sigurisë se marijuana mjekësore që do të dilte në tregun e zi.

Për të lehtësuar shqetësimet, ligji fuqizon policinë që të mbikqyrë licensimin.

Kabineti izraelit duhet të japë miratimin përfundimtar për ligjin, një hap ky që shikohet më shumë si formalitet.