Ballina LAJME Itali, Salvini hedh poshtë krijimin e një koalicioni tjetër, ngul këmbë tek...

Itali, Salvini hedh poshtë krijimin e një koalicioni tjetër, ngul këmbë tek zgjedhjet

Thellimi ose zgjidhja e krizës në koalicionin qeveritar mes Lidhjes së Veriut dhe Lëvizjes 5 Yjet pritet të sqarohet më 20 gusht, ditë në të cilën Senati i Parlamentit të Italisë ka thirrur një seancë të veçantë për të diskutuar hapat për të ardhmen. Megjithatë, zëvendëskryeministri Matteo Salvini, që është edhe kryetari i Lidhjes së Veriut, ka theksuar se “zgjedhjet janë zgjidhja më e mirë për vendin.”

Senati refuzoi kërkesën e zëvendëskryeministrit Salvini për një mocion të menjëhershëm mosbesimi kundër qeverisë, në pritje të 20 gushtit për gjetjen e zgjidhjeve alternative, të cilat do të shmangnin zgjedhjet.

Kryetari i Partisë Demokratike, Matteo Renzi, i cili sot është në opozitë, ka paralajmëruar se një proces i ri zgjedhor do e shtynte Italinë drejt recesionit, ndaj sugjeroi formimin e një kabineti të ri. Por, Salvini e ka refuzuar edhe këtë përpjekje për daljen nga kriza. Në fakt, këtë ise e ka hedhur poshtë edhe kreu i Lëvizjes 5 Yjet, Luigi Di Maio.

Duket se mosmarrëveshjet mes dy liderëve të mazhorancës, Matteo Salvini dhe Luigi Di Maio, do ta çojnë Italinë përsëri drejt zgjedhjeve.