Ballina Aktualitet Itali, në pranga dy shqiptarë, dy kg heroinë të fshehur në vreshta

Itali, në pranga dy shqiptarë, dy kg heroinë të fshehur në vreshta

Dy vëllezër shqiptarë u arrestuan nga policia italiane nën akuzën e trafikut të drogës. Ata transportonin lëndën narkotike nga Abruzzo për në Puglia, duke e fshehur drogën në fshatin Casalbordino.

Hetimet nga prokurorët e Pescaras nisën muaj më parë. Më 24 prill të këtij viti, u arrestua në Bari një shtetas shqiptar i cili mbante rreth 2 kilogram dhe 200 gram heroinë të pastër.

Që prej atij momenti, vazhduan hetimet ku u identifikuan dy vëllezërit shqiptarë, banues në Montesilvano.

Qershorin e kaluar, policia zbuloi një “strofull” në Casalbordino, ku shqiptarët fshinin lëndën narkotike pranë një vreshti. Gërmimet lejuan zbulimin e katër pakove të vogla heroine me peshë totale prej 2 kilogram dhe 100 gram në një çantë plastike.

Gjyqtari hetues i Pescaras, duke pranuar kërkesën e prokurorit, urdhëroi arrestimin e vëllezërve, të cilët u dërguan në burgun e “San Donato”.