Ballina LAJME Itali, dënohen 5 shqiptarët për vrasje

Itali, dënohen 5 shqiptarët për vrasje

16 deri në 20 vite burg ka dhënë gjykata e Busto Arsizio në Milano për 5 shqiptarë, të akuzuar për vrasjen e kushërinjve të tyre Agron dhe Alban Lleshaj.
Bëhet fjalë për një ngjarje të ndodhur gjatë natës mes 9 dhe 10 Nëntorit të vitit 2016 në periferi të Milanos. Viktimat u ekzekutuan me pistoletë poshtë një kompleksi banimi, pas një ndjekjeje me makinë.

Dënimi për Edmond, Elidon, Pjetër Lleshaj (ky u fundit me të njëjtin mbiemër, por pa lidhje familjare me viktimat), Eduard Nikolli dhe Fation Stojan u dha nga gjykatësja Piera Bossi. Prokurori Giuseppe D’Amico kishte kërkuar burgim të përjetshëm për të pandehurit.
Nga hetimet rezultoi gjithashtu se 5 të dënuarit drejtoheshin nga një tjetër shqiptar, i njohur me nofkën “Kuqi”.

Ata vendosën që t’i ekzekutonin dy kushërinjtë Lleshaj, sëbashku me një kushëri të tretë, i cili arriti të shpëtonte, në mënyrë që të mos i lejonin që të kontrollonin shpërndarjen e kokainës mes Canegrate, Legnano dhe Parabiago.
Atentati ndaj Agron dhe Alban Lleshaj u planifikua në afërsi të qendrës së Canegrate. Plot 12 plumba pistolete u zbrazën në drejtim të tyre, duke i lënë të vdekur në vend.