Ballina Kuriozitete “Hëna e Gjakut”, fenomeni i pazakontë që pritet të ndodhë në janar

“Hëna e Gjakut”, fenomeni i pazakontë që pritet të ndodhë në janar

Janari vjen me një fenomen të pazakontë! Hëna e parë e plotë e vitit 2019 vjen bashkë me një shfaqje spektakolare. Në natën e 20-21 janarit, hëna e plotë do të përkojë me një eklips të plotë hënor, i cili do të bëjë që sateliti natyror i Tokës të marrë një shkëlqim të kuq të ndezur në një efekt që njihet si Hëna e Gjakut.

Në të njëjtën kohë, hëna do të ulet në pikën më të afërt të Tokës në orbitën e saj, kështu që ajo do të shfaqet masive në qiellin e natës. Të gjitha këto fenomene së bashku përbëjnë një kombinim të mrekullueshëm që shënon eklipsin e fundit të hënës që do të shohim deri në vitin 2021.

Nga fillimi në fund, eklipsi hënor do të zgjasë pak më shumë se tre orë e gjysmë. Eklipsi i plotë i Hënës së Gjakut do të jetë i dukshëm në shumë pjesë të botës, duke përfshirë të gjithë Amerikën e Veriut dhe pjesë të Evropës dhe Afrikës, sipas TimeandDate.

Eklipsi total i ardhshëm hënor vjen në 26 maj të vitit 2021.