Greqi, kapet tjetër sasi droge, në pranga dy shqiptarë

56

Policia greke ka bllokuar sot një tjetër sasi prej 60 kg marijuanë, që vinte nga kufiri greko-shqiptar, ndërsa në pranga kanë rënë dy shqiptarë dhe një grek. Bëhet fjalë për tre të rinj, djali 30 vjeç dhe vajza 22 vjeçe, si dhe greku, një 29-vjeçar.

Mësohet se droga u gjet në mjetin që udhëtonin tre të arrestuarit, të cilët pavarësisht tentativës për t’u arratisur, u kapën sot në mëngjes në Amotopo të Artës.

Gjatë kontrolleve të ushtruara nga policia u gjetën dhe sekuestruan në cilësinë e provës materiale 60 kg e 610 gram marijuanë dhe 6 celularë.