Gjon Muharremaj e thotë hapur:”Ja kush duhet ta përfaqësojë Shqipërinë në Eurovizion”

89

Gjon Muharremaj, i njohur me emrin e artit Gjon’s Tears, është një ndër artistët më të komentuar të momentit, për shkak të suksesit të padiskutueshëm që pati në Eurovizion duke përfaqësuar Zvicrën.

Këngëtari me origjinë shqiptare arriti të marrë vendin e tretë në festivalin evropian të muzikës.

Ai ishte i ftuar mbrëmjen e kësaj të shtune në emisionin “Soiree” me Jonida Shehu.

Gjon ka treguar se kënga fituese e Italisë nuk ishte e preferuara e tij, ndërsa kënga e Ukrainës, sipas tij, është kënga fituese.

I pyetur se kush do të ishte këngëtari ose këngëtarja që Shqipëria duhet të çojë në Eurovizion, Gjon’s Tears ka përmendur këngëtaren nga Kosova, Kidën.

“Aurela Gaçe e përfaqëson shumë mirë Shqipërinë. Ndërsa tek këta të rinjtë më pëlqen shumë Kida, kështu që pse jo ta përfaqësojë ajo Shqipërinë në Eurovizion”,- është shprehur Gjon.