Futboll, Tirana synon kthimin tek fitorja në ndeshjen ndaj Kamzës

Pas dy humbjeve të fundit me Flamurtarin dhe Laçin, ekipi i Tiranës kërkon kthimin në gjendjen e mëparshme. Trajneri Ardian Mema edhe gjatë kësaj jave ka pasur rezerva për ekipin e tij, ndërkohë që ka programuar disa lëvizje në skuadër.

Pas humbjes me vlonjatët, Mema ka pasur kritika për lojtarin Marvin Turtulli, i cili edhe pse ka luajtur vazhdimisht si titullar, këtë herë rrezikon të ulet në stol dhe zëvëndësues i tij mund të jetë Vinsent Atinga.

Me sa duket do të ketë lëvizje edhe në mesfushë për Edon Hasanin, pasi në ndeshjen e mëparshme me Flamurtarin prova për të nuk rezultoi me sukses.

Gjithashtu, lojtarët e tjerë që do të sakrifikohen janë Toni Mauexhe, Daja dhe Karabeci, të cilët do të luajnë së bashku në qendër, kurse sulmi mbetet ende një mëdyshje e madhe. Me Ngo të pezulluar, Sentamu shikohet për momentin si zgjidhja më e mirë.

Ndeshja me ekipin e Kamzës, që zhvillohet nesër, pritet të jetë edhe ndeshja ku Tirana synon kthesën e madhe.

Leave a Reply

Your email address will not be published. Required fields are marked *