Ballina SPORT Futboll, të gjithë lojtarët gati, por Milani rrezikon Gatuzon në derbi

Futboll, të gjithë lojtarët gati, por Milani rrezikon Gatuzon në derbi

Të gjithë lojtarët në dispozicion. Kishte kohë që Milani nuk mund të mbështetej tek i gjithë ekipi për shkak të dëmtimeve të shumta. Një lajm i mirë për skuadrën kuqezi në prag të derbit kundër Interit, që përveç rivalitetit historik, në këtë sezon është shumë i rëndësishëm për misionin “Champions”. Por ka edhe një lajm të keq për popullin milanist. Në sfidën e së dielës së ardhshme në pankinë rrezikon mungojnë Xhenaro Gatuzo.

Tekniku u largua nga fusha gjatë ndeshjes kundër Kievos, që Milani e fitoi me rezultatin 2-1, për shkak të një debati të nxehtë me një prej lojtarëve kundërshtarë dhe më pas me arbitrin. Ndryshe nga futbollistët, largimi nga fusha nuk do të thotë pezullim për sfidën e ardhshme, por gjithçka do të vendoset të hënën nga Gjykata Sportive. Nëse Gatuzo do të ndëshkohej, atëherë kjo do të ishte një goditje e rëndë për Milanin, pasi dihet rëndësia e teknikut në pankinën kuqezi.