Ballina BOTA Francë, sulm me armë, disa të plagosur

Francë, sulm me armë, disa të plagosur

Një person plagosi sot në mesditë me armë të bardhë dy kalimtarë në qendër të Marsejës, para se të vritej nga forcat e policisë me armë zjarri, sipas burimeve policore.

Prokuroria e Parisit njoftoi se situata është duke u shqyrtuar nga seksioni kundërterrorizmit të prokurorisë së Parisit, në bashkëpunim me prokurorinë e Marsejës.

Kur forcat e policisë mbërritën në vendngjarje, agresori nxorri një armë zjarri dhe policët më pas qëlluan drejt tij. Agresori i plagosur rëndë vdiq disa çaste më pas, si dhe një person i tretë u plagos në këmbë për shkak të rikoshetës së plumbave.