Ballina BOTA Francë, orë terrori në Tolosa, shkak një 17 vjeçar!

Francë, orë terrori në Tolosa, shkak një 17 vjeçar!

Disa persona janë marrë peng dhe prangosur në një tabakeri në Tolosa, Francë nga një 17 vjeçar i armatosur, i cili u vetëquajt përpara forcave të policisë si “krahu i djathtë i jelekverdhëve”.

Para pak orësh ai ka liruar 4 gra të marra peng me ndihmën e një negociatori të policisë. Më herët ai kishte kërcënuar se njërën prej tyre do ta vriste. Djali ka hapur zjarr më shumë se njëherë kundër policisë franceze.

Pengmarrësi qëndron ende i mbyllur brenda tabakerisë i armatosur. Në shtëpinë e 17 vjeçarit Dominique Alzeari është gjendur një letër ku ai thotë se është i shqetësuar për shëndetin e tij pasi vuan nga depresioni.

Ai shkruan gjithashtu se do të mbajë anën e jelekverdhëve dhe se nëse nuk leviz ai, atëherë askush nuk do ta bëjë.

Dominique Alzeari njihet si hajdut i vjedhjeve të vogla dhe ishte ndaluar në dhjetor të këtij viti.

Dëshmitari që i ka shpëtuar duarve të Dominique Alzeari thotë se djali u fut me maskë në tabakeri dhe në trup mbante një kamër të tipit Go Pro. Ai i tha atyre se ky rrëmbim ishte edhe për të mirën e tyre.

Në rrjetet sociale 17 vjeçari ka postuar shpesh pjesë nga protestat e jelekverdhëve ku ka qenë edhe pjesëmarrës.