Fier/Plagoset rëndë nga 19 vjeçari, i mituri përfundon në spital

136

Një 19-vjeçar në Fier është arrestuar, pasi ka plagosur rëndë në kokë një të mitur. Mësohet se i riu me inicialet, E. R., banues në Strum të Roskovecit, është konfliktuar për motive të dobëta pasditen e së dielës me 13-vjeçarin, Sh. M.

Si pasojë e goditjeve, i mituri ka marrë dëmtime të rënda në kokë dhe ndodhet në Spitalin Rajonal Fier, në gjendje të rëndë shëndetësore.

Materialet i kalouan Prokurorisë pranë Gjykatës së Shkallës së Parë Fier për veprën penale “Plagosje e rëndë me dashje”.