Ballina Kuriozitete Eliminoni sa më shumë pesticide nga pemët dhe perimet me këto truqe...

Eliminoni sa më shumë pesticide nga pemët dhe perimet me këto truqe të thjeshta!

Nëse nuk jeni fatlumë , siç nuk janë ata që nuk kanë  kopsht që vetëkultivojnë ushqimin, çfarë duhet të bëni?

Në hulumtime të ndryshme për eliminimin e mbetjeve të pesticideve është treguar që me metoda të ndryshme mund të eliminoni mbetjen e pesticideve me 75%.

Natyrisht nuk është e mundur t’i eliminoni 100%, sepse pesticidet futen thellë brenda në produkt, mirëpo edhe këto 75% janë rezultat i shkëlqyeshëm.

Po ju përmendim që përgjithësisht janë më të spërkatura pemët – mollët, dredhëzat, rrushi, boronicat, pjeshkat dhe nektarinat, ndërkaq perimet më të spërkatura janë – selinoja, spinaqi, sallata, speci i kuq në formë zileje, kastraveci, patatja dhe domatja qershi.

E pra, keni blerë pemë dhe perime për të cilat nuk jeni të sigurt a janë spërkatur – dhe çfarë të bëni aktualisht? Ja se si duhet të veproni:

Zgjidhja 1

⦁ 1 lugë kripë deti në një filxhan ujë. Zhytni perimet ose frutat gjysmë ore dhe pastaj lani perimet/frutat.

Zgjidhja 2

⦁ Bëni tretje 1 : 4 nga uthulla e bardhë dhe uji. Zhytini gjysmë ore dhe pastaj shpërlajini. Mollët e spërkatura zhytini më gjatë. Uthulla mund të neutralizojë shumicën e baktereve dhe pesticideve të cilat gjenden në artikujt e freskët.

Vërejtje: Shikoni ujin në të cilin keni zhytur pemët dhe perimet dhe do të shihni se çfarë ka dalë nga to… Bëni sprejin tuaj për eliminimin e pesticideve.

Vijojnë 2 receta për sprej shtëpiak për eliminimin e pesticideve…

Receta 1

• 1 lugë lëng limoni, 2 lugë sodë bikarbonati, 1 gotë ujë. Përzieni derisa soda të tretet dhe nxirrni në shishe me spërkatëse. Spërkatini pemët dhe perimet dhe lini rreth 15 minuta. Shpëlani.

Receta 2

• 1 filxhan ujë, 1 filxhan uthull të bardhë, 2 lugë sodë bikarbonati, disa pika ekstrakt farash grejpi (antibiotik i shkëlqyeshëm natyral ) – të gjitha përziejini mirë. Hani dhe pini pastër – mendoni dhe jetoni pastër!