Ballina Aktualitet Durrës, Meta takon Haradinajn në një takim informal

Durrës, Meta takon Haradinajn në një takim informal

Një takim informal është zhvilluar mbrëmjen e së hënës në Durrës. Nga Prishtina ka udhëtuar kryeministri Ramush Haradinaj i cili ka takuar Presidentin e Shqipërisë Ilir Meta. Ka qenë ky i fundit që ka zbuluar takimin në një postim në Facebook.

“Kënaqësi e veçantë të ndaja sërish me Kryeministrin, Ramush Haradinaj në Durrës pikëpamje mbi sfida të përbashkëta që forcojnë marrëdhëniet midis dy vendeve dhe perspektivën e përbashkët evropiane” – shkruan Meta.

Edhe Haradinaj ka bërë një koment në faqen e tij të Facebook: “Qëndrime unike me Presidentin Ilir Meta për temat me rëndësi për Kosovën e Shqipërinë”.

Në Shqipëri ndodhet këtë të hënë edhe Presidenti i Kosovës Hashim Thaçi. Por ndërsa është tashmë e përvijuar miqësia e Thaçit me kryeministrin Rama, në krahun tjetër, Haradinaj ka forcuar marrëdhëniet me kryeministrin Meta të dy kundërshtarë të ndryshimit të kufijve.