Durrës, detyronte të miturin të vidhte në supermarket, arrestohet 27 vjeçari

190

Një 27-vjeçar është arrestuar, ndërsa një bashkëpunëtor i tij do të procedohet në gjendje të lirë, pasi akuzohen për vjedhje.

Policia e Durrësit, bën me dije se në pranga ka rënë shtetasi N. M., 27 vjeç dhe u procedua në gjendje të lirë, shtetasi i mitur, K. V., 15 vjeç, banues në Vlorë.

I riu i arrestuar, dyshohet se duke përdorur të miturin, e ka detyruar të vjedhë në disa supermarkete,  shishe me pije alkoolike, të cilat më pas do i shiste kundrejt fitimit.

Materialet i kaluan Prokurorisë së Rrethit Gjyqësor Durrës, për veprime të mëtejshme.