Ballina LAJME Disa truke që mund t’ju ndihmojnë të lini duhanin.

Disa truke që mund t’ju ndihmojnë të lini duhanin.

Ka studime të panumërta shkencore rreth problemit të pirjes së duhanit dhe shumë projekte sociale janë duke e luftuar këtë problem.

Por, fatkeqësisht, ata që e pinë duhanin e kanë tejet të vështirë ta lënë atë.

Varësia nga nikotina është sëmundje (jo shprehi, siç mendojnë disa) dhe si e tillë duhet të trajtohet.

Këshillat e mëposhtme mund t’ju ndihmojnë ta largoni këtë varësi të keqe dhe ta bëni një jetë më të shëndetshme.

Filloni ngadalë. Përcaktojeni momentin specifik se kur do ta pini cigaren e fundit. Përpiquni ta gjeni një kohë kur nuk keni situata stresuese (si teste, ndërrim të punës, etj.)

– Pastrojeni shtëpinë. Hidhni në plehra tavullat, çakmakët dhe të gjitha cigaret që keni. Nëse keni në familje njerëz që pinë duhan, kërkoni nga ta që t’jua respektojnë vendimin dhe të përpiqen të mos pinë duhan kur janë afër jush.

– Në momentin që e ndjeni nevojën për ta ndezur një cigare, pini një gotë ujë.

– Ndaloni konsumimin e kafesë, të paktën në fillim. Ka shumë shanse që jeni mësuar ta pini kafen me cigare, prandaj edhe rrezikoni të keni nevojë më të madhe për ta ndezur një kur pini kafe.

– Përpiquni t’i analizoni rrethanat kur keni pirë më së shumti duhan dhe mundohuni t’i shmangni ato.

– Nëse mendoni se nuk e keni të mundur ta luftoni dëshirën për ta ndezur një, vetëm pastroni dhëmbët dhe gojën me ujë të ftohët. Nëse mundeni, pini edhe një gotë qumësht. Pas kryerjes së këtyre gjërave, njerëzve zakonisht u largohet dëshira për ta ndezur cigaren.