Dibër dhe Mat, kapen dy të kërkuar për vepra të ndryshme penale

53

Dy persona të shpallur në kërkim për vepra të ndryshme penale në qarkun e Dibrës janë arrestuar brenda 12 orësh.

Në Mat është ndaluar një shtetas në kërkim, pjesëtar i një grupi që kryente vjedhje automjetesh në Tiranë. Në Bulqizë, u kap kapet një shtetas në kërkim i dënuar me tre vite e 4 muaj burg për prodhim dhe shitje të lëndëve narkotike.

Në bazë të informacioneve të marra në rrugë operative, nga shërbimet e Komisariatit të Policisë Mat në bashkëpunim me shërbimet e Komisariatit nr. 3 Tiranë, u bë e mundur që të kapet dhe ndalohet shtetasi i shpallur në kërkim , Gentjan Ahmetsulaj 39 vjeç, banues në Burrel, Bashkia Mat, i dënuar disa herë për vjedhje.

Ndërsa Specialistët për Hetimin e Krimeve në D.V.P.Dibër, në bashkëpunim me shërbimet e Komisariatit të Policisë Bulqizë, si rezultat i një punë hetimore dhe profesionale, kapën shtetasin e kërkuar Jurgen Balliu 23 vjeç, banues në fshatin Sopot, Bulqizë.