Dalin statistikat mbi COVID-19 në Shqipëri për ditën e sotme!

42

Ministria e Shëndetësisë publikoi para pak çastesh të dhënat e 24 orëve të fundit për situatën epidemiologjike në vend në lidhje me virusin Sars-Cov2.

Në 24 orët që lamë pas u regjistruan 101 raste të reja dhe 5 humbje jete, njoftoi Dr. Rovena Daja nga Instituti i Shëndetit Publik.

Ajo tha se gjatë 24 orëve të fundit në vendin tonë janë kryer 803 testime për vlerësimin e infektimit nga virusi SARS COV2, dhe 101 persona janë konfirmuar pozitivë me COVID-19.

Shpërndarja gjeografike e rasteve pozitive ditore është si vijon: 51 raste në Tiranë, 10 raste në Lezhë, 5 raste në Kamëz, 4 raste në Shkodër, 3 raste në Krujë, Durrës, Korçë, Kavajë, Gjirokastër, Vorë, 2 raste në Kurbin, Elbasan, Kukës, nga 1 rast në Has, Lushnje, Mirditë, Mat, Vau i Dejës, Gramsh, Shijak.

119 qytetarë janë shëruar në 24 orët e fundit, duke e çuar numrin e të shëruarve në 5139, që nga fillimi i epidemisë. Për të katërtën ditë radhazi, numri i të shëruarve është më i lartë se i rasteve të reja të konfirmuara me COVID19.

Aktualisht në spitalin Infektiv dhe “Shefqet Ndroqi” po trajtohen 178 pacientë të konfirmuar pozitivë me COVID-19, 18 në terapi intensive nga të cilët vetëm 7 pacientë janë të intubuar.

Në dy spitalet COVID janë gjithashtu duke marrë shërbim të specializuar 45 qytetarë të cilët kanë qenë pozitivë me COVID-19 dhe aktualisht janë negativizuar, por po vijojnë të marrin trajtim spitalor për pasojat e sëmundjes.

Në dy spitalet COVID, kanë humbur jetën një 62 vjeçar nga Gjirokastra, një 66 vjeçar nga Burreli, 72 vjeçar nga Elbasani, një 87 vjeçar dhe një 92 vjeçare nga Tirana.

COVID-19 – Statistika (30 Gusht 2020) Testime totale 62017 Raste pozitive 9380 Raste të shëruara 5139 Raste Aktive 3961 Humbje jete 280 (Qarku Tiranë 132, Durrës 39, Shkodër 36, Elbasan 15, Fier 13, Korçë 12, Lezhë 10, Kukës 6, Vlorë 6, Dibër 5, Gjirokastër 4, Berat 2)

Shpërndarja gjeografike e rasteve aktive sipas qarqeve: Tiranë 2062 Durrës 527 Shkodër 283 Fier 140 Lezhë 195 Korçë 175 Vlorë 125 Kukës 135 Elbasan 154 Berat 77 Gjirokastër 36 Dibër 52