Ballina BOTA Brazil, të shtëna me armë në katedralen katolike, 5 të vdekur

Brazil, të shtëna me armë në katedralen katolike, 5 të vdekur

Një person i armatosur hyri në një katedrale katolike pranë qytetit më të populluar të Brazilit, Sao Paulo duke shkaktuar vdekjen e 5 personave.

Në Katedralen Metropolitane në qytetin e Campinas, po mbahej një meshë kur hyri sulmuesi me 2 armë dhe filloi të qëllonte.

Policia ushtarake konfirmoi se nga të shtënat mbetën të plagosur rëndë edhe 4 të moshuar. Pak momente më vonë, ai u vetëvra në katedrale. Ende nuk dihet motivi.

“Ishte e frikshme. Ai hyri dhe gjuajti në mënyrë të rastësishme tek njerëzit, të gjithë po luteshin,” – tha dëshmitari Alexandre Moraes për GloboNews.

Campinas është një qytet industrial rreth 100 km në veri-perëndim të Sao Paulos.