Berat/Organizonin lojëra fati në dyqanin e berberit, arrestohet 41 vjeçari

31

Një 41-vjeçar është arrestuar nga policia, pasi berberhanen të cilën e zotëronte, e kishte kthyer në një ambient ku luheshin lojëra fati ‘online’.

Policia thotë se ka rënë në pranga në flagrancë, shtetasi, D. E., banues në lagjen “Çlirim”, Berat, pasi është kapur në ambientet e berberhanes së tij duke ushtruar aktivitetin e paligjshëm të lojërave të fatit ‘online’, nëpërmjet celularit.

Në cilësinë e provës materiale, u sekuestrua një aparat celular. Materialet i kaluan Prokurorisë së Rrethit Gjyqësor Berat, për veprën penale “Organizimi i lotarive të palejuara”.
Article bottom Rectangle3